Մոսկվայի «Դինամոյի» նախկին կիսապաշտպան Արսեն Զախարյանը կիսվել է իսպանական «Ռեալ Սոսյեդադ» ակումբի կազմում իր առաջին տպավորություններով։
«Առաջին օրը շատ դժվար էր՝ թռիչք, գրանցում, բարդ բուժզննում, պայմանագիր կնքում: Այսօր հիանալի է. մարզվել եմ, ճանաչել թիմին: Տղաները բոլորն էլ ընկերասեր են, չէի սպասում՝ բոլորն օգնեցին: Մարզման ժամանակ օգնել է անձամբ Միկել Օյարզաբալը։ Շատ ուրախ եմ այստեղ լինելու համար»,- ասել է Զախարյանը «Okko Sport» յութուբյան ալիքի տեսանյութում։
Ավելի վաղ հաղորդվում էր, որ «Ռեալ Սոսյեդադը» 12 միլիոն եվրո գումարած բոնուսներ է վճարել «Դինամոյի» կիսապաշտպանի համար։
