ՊՍԺ-ն իր պաշտոնական կայքում հայտնել է «Մալյորկայի» կիսապաշտպան Լի Կան Ինի հետ պայմանագիր կնքելու մասին: Ֆուտբոլիստը երկարաժամկետ պայմանագիր է կնքել փարիզցիների հետ մինչև 2028 թվականը։
«Ուրախություն է, երբ կարող եմ միանալ «Պարի Սեն Ժերմենին», նրանք աշխարհի ամենամեծ ակումբներից մեկն են՝ աշխարհի մեծագույն խաղացողներով: Չեմ համբերում, թե երբ կսկսեմ այս նոր արկածը»,- Լի Կան Ինի խոսքերն է մեջբերում ակումբի պաշտոնական կայքը։
2022/2023 մրցաշրջանում Լի Կան Ինը «Մալյորկայի» կազմում անցկացրել է 39 հանդիպում բոլոր մրցաշարերում, որոնցում դարձել է վեց գոլի և 6 գոլային փոխանցման հեղինակ։ Ֆուտբոլիստի պայմանագիրն իսպանական ակումբի հետ ուժի մեջ էր մինչև 2025 թվականի հունիսի վերջը։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 22 միլիոն եվրո:
