Հասան Սալիհամիջիչը բացատրել է, թե ինչու «Բավարիան» չերկարաձգեց պայմանագիրը Ռոբերտ Լևանդովսկու հետ.
«Մենք ցանկանում էինք նոր պայմանագիր կնքել նրա հետ, բայց նա չցանկացավ: Այսպիսով, մենք որոշեցինք, որ ավելի լավ է վաճառել նրա տրանսֆերը, քան անվճար թողնել 2023 թվականին: «Բարսան» հիանալի կազմ է հավաքել, բայց մենք կանոններ ունենք. 30-ից բարձր խաղացողներին մեկ մրցաշրջանից ավելի պայմանագիր չենք տալիս:
Չգիտեմ՝ սխալվել ենք, թե ոչ։ «Բավարիան» չէր ցանկանում 34-ամյա խաղացողին չորս տարվա պայմանագիր տալ այդքան բարձր աշխատավարձով։ Սա է մեր ռազմավարությունը։ Մենք այդպիսի փող չունենք։ Ֆինանսական տեսանկյունից դա հնարավոր չէր, և «Բավարիան» այս առումով բացառություն չէ Եվրոպայում։
Մադրիդի «Ռեալը» տարեցտարի երկարաձգում է Մոդրիչի հետ պայմանագիրը. ուստի Լևանդովսկուն ասացինք՝ «եկեք երկարաձգենք պայմանագիրը մեկ տարով»։ Բայց ես հասկանում եմ, որ 34 տարեկանում 4 տարով պայմանագիր կնքելու հնարավորությունը բացառիկ հնարավորություն է։
Լևանդովսկին մեզ շամպայն տվեց, և մենք բաժանվեցինք՝ մնալով ընկերներ։ Նա միշտ դրականորեն կխոսի «Բավարիայի» մասին, ինչպես մենք՝ նրա մասին»,- ասել է մյունխենյան ակումբի սպորտային տնօրենը El País-ին։
