«Արարատի» գլխավոր մարզիչ Արամ Ոսկանյանը խոսել է VBET Հայաստանի Պրեմիեր լիգայի երկրորդ տուրում «Ալաշկերտից» կրած պարտության (0:2) մասին։
«Շնորավորում եմ «Ալաշկերտին»։ Ամեն դեպքում, խաղի վերջին հատվածում, ճիշտ է մենք էլ սխալներ թույլ տվեցինք, բայց երևի արժանի էին հաղթանակի։ Մեր խաղի հետ կապված, առաջին կեսում հարկադրված փոփոխությունն իր ազդեցությունն ունեցավ, չնայած, որ Ռոբերտ Դարբինյանը լավ մտավ խաղի մեջ։ Քամուն հակառակ էինք խաղում առաջին կեսում, դժվար էր, բնական է, մրցակիցը ճնշում էր գործադրում։ Երկրորդ կեսում արդեն քամին մեզ էր օգնում, բայց չկարողացանք օգտագործել։ Գոլ խփեցինք, բայց չեմ կարող ասել՝ կա՞ր գոլ, թե՞ չկար։
Փոփոխություններ արեցինք, բայց նախորդ խաղի համեմատ չարդարացրեցին։ Այսինքն այն նույն տղաները, որոնք նախորդ խաղին լրիվ փոխեցին խաղը դրական իմաստով, այս խաղին մի քիչ լավ չմտան խաղի մեջ»,- Ոսկանյանի խոսքն է մեջբերել «Արարատի» մամուլի ծառայությունը։