Ղազասխտանի Պրեմիեր լիգայի ընթացիկ մրցաշրջանի առաջատար «Ակտոբեն» ցանկանում է թիմ հրավիրել հայ հարձակվող Արթուր Միրանյանին։ Այս մասին հայտնում է Sports.kz-ն՝ հղում կատարելով «ФНЛ с Ильёвым» տելեգրամ ալիքին։
Հաղորդվում է, որ Միրանյանի ծառայություններով հետաքրքրված է նաև Տուլայի «Արսենալը»։ Բացի այդ, հայ հարձակվողի ծառայություններով հետաքրքրվում են Ռուսաստանի Պրեմիեր լիգայի երկրորդ ութնյակը ներկայացնող երկու թիմեր։
Միրանյանի նախորդ ակումբը եղել է «Ուրարտուն», որի կազմում նախորդ մրցաշրջանում անցկացրած 21 խաղում դարձել է 10 գոլի հեղինակ։
26-ամյա հարձակվողը Դոնեցկի «Շախտյորի» սան է։ Նա հանդես է եկել Ուկրաինայի պատանեկան հավաքականներում (13 գոլ՝ 29 խաղում)։ Միրանյանը 3 հանդիպում է անցկացրել Հայաստանի ազգային հավաքականի կազմում։ Հարձակվողը «Վարդարի» կազմում դարձել է Մակեդոնիայի չեմպիոն։ «Փյունիկի» կազմում Եվրոպա լիգայի որակավորման փուլի 6 խաղում դարձել է 3 գոլի հեղինակ՝ այդ թվում դուբլ է գրանցել չեխական «Յաբլոնեցի» դեմ խաղում։
Ղազախստանի առաջնության 15 տուրից հետո «Ակտոբեն» 29 միավորով գլխավորում է մրցաշարային աղյուսակը և 2 միավորով է գերազանցում 2-րդ տեղում ընթացող «Աստանային»։
