«Լիվերպուլի» գլխավոր մարզիչ Յուրգեն Կլոպը սեփական ցանկությամբ կարող է հեռանալ անգլիական թիմից մինչև պայմանագրի ժամկետի ավարտը, հայտնում է The Independent-ը:
Աղբյուրի փոխանցմամբ, գերմանացի մասնագետի պայմանագրում կետ կա, ըստ որի նա կարող է վերադառնալ Գերմանիայի առաջնությունում, եթե անձամբ դա ցանկանա: Կլոպը այս աշուն նոր պայմանագիր է կնքել «Լիվերպուլի» հետ, որը նախատեսված է մինչև 2024 թվականը:
Կլոպի նշանակումից` 2015 թվականի հոկտեմբերից ի վեր «Լիվերպուլն» ահռելի քայլեր է կատարել առաջ`համաշխարհային ֆուտբոլում դիրքը վերականգնելու առումով: Նախորդ մրցաշրջանում մերսիսայդյան ակումբը ռեկորդային`97 միավոր վաստակեց Պրեմիեր-լիգայում, բայց չեմպիոն չդարձավ: Փոխարենը նվաճեց Չեմպիոնների լիգայի տիտղոսը` եզրափակչում հաղթելով «Տոտենհեմին» (2:0):
Գերմանիայում Յուրգեն Կլոպը 2001-ից 2008 թվականներին մարզել է «Մայցնը», իսկ 2008-ից 2015 թվականներին` Դորտմունդի «Բորուսիան», որի հետ երկու անգամ հաղթել է Բունդեսլիգայում, Գերմանիայի Գավաթում և երկրի Սուպերգավաթում: