Թուրինի «Յուվենտուսի» պաշտպան Ալեքս Սանդրոն կարող է կարիերան շարունակել Անգլիայի Պրեմիեր լիգայում։ 30-ամյա խաղացողի ծառայություններով հետաքրքրված է «Չելսին», հայտնում է Goal-ը՝ հղում անելով La Gazzetta dello Sport-ին։
Ըստ աղբյուրի՝ «արիստոկրատները» դիտարկում են Սանդրոյի թեկնածությունը՝ որպես Բենջամին Չիլվելին փոխարինող, ով ծնկի վնասվածքի պատճառով դուրս է մնացել թիմից։
Ընթացիկ մրցաշրջանում բրազիլացին Ա Սերիայում 19 հանդիպում է անցկացրել և մեկ գոլային փոխանցում կատարել:
Հիշեցնենք, որ Չիլվելը վնասվածք էր ստացել Չեմպիոնների լիգայի 2021/2022 մրցաշրջանի խմբային փուլի 5-րդ տուրի Թուրինի «Յուվենտուսի» հետ խաղում (4:0)։ Ֆուտբոլիստի մոտ ախտորոշվել է ծնկի խաչաձեւ կապանների պատռվածք։