«Քարդիֆի» նախկին մարզիչ Նիլ Ուորնոկը մեկնաբանել է «Մանչեսթեր Յունայթեդի» վերջին ձեռքբերումը: Երեկ «Կարմիր սատանաները» հայտարարեցին «Շանհայ Շենհուայի» հարձակվող Օդիոն Իգալոյի վարձակալության մասին:
«Երբ ես աշխատում էի «Քարդիֆում», ես փորձեցի ձեռք բերել Իգալոյին: Նրա շաբաթական աշխատավարձը կազմում էր վեցանիշ գումար ՝ 100 հազար ֆունտ, կամ նման մի բան: Նրա գործակալը մի բան է ասում ձեզ, հետո`մեկ այլ բան:
«Մանչեսթեր Յունայթեդը» այս հարցում ոչ մի խնդիր չի ունենա: Բայց ես վստահ չեմ, որ նա նրանց համար ճիշտ խաղացող է: Նա անկայուն է և չի համապատասխանում ՄՅՈւ-ին:
Նրանց հետաքրքրում են երիտասարդ ֆուտբոլիստները: Ինչո՞ւ այդ դեպքում ձեռք չբերեցին Դանի Ինգսին, նա նման է Մարկուս Ռեշֆորդին: Այս ամենը անիմաստ է»,- մեջբերում է Ուորնոկին Goal-ը: