«Մանչեսթեր Յունայթեդի» հարձակվող Օդիոն Իգալոն հայտարարեց անգլիական թիմից հեռանալու մասին.
«Դժվար է հասկանալ, որ երազանքը մոտենում է ավարտին, բայց ես շնորհակալ եմ Աստծուն այն բանի համար, որ ինձ օգնեց իրականացնել ամբողջ կյանքիս երազանքն ու հագնել «Մանչեսթեր Յունայթեդի» մարզաշապիկը, ինչպես նաև ներկայացնել այս մեծագույն ակումբը: Սա պատիվ էր, որը ես միշտ կգնահատեմ ու ինչի համար միշտ երախտապարտ կլինեմ:
Ցանկանում եմ շնորհակալություն հայտնել մարզչին այն վստահության համար, որ նա ցուցաբերեց իմ հանդեպ այն ժամանակ, երբ շատերն ինձ չէին հավատում: Չեմ կարող շնորհակալություն չհայտնել իմ թիմակիցներին, որոնց ես շատ կկարոտեմ: Ես միշտ անհամբերությամբ էի սպասում ձեզ հետ մարզվելու հնարավորությանը: Աղոթում եմ, որ մենք այս տարի հաղթենք ԱՊԼ-ում և Անգլիայի Գավաթում:
Շնորհակալություն աշխարհի լավագույն երկրպագուներին: Մենք շատ էինք զգում ձեր կարիքը, բայց և լսում էինք ձեզ: Ես հավերժ կմնամ «Մանչեսթեր Յունայթեդի» երկրպագու: Մենք անգամ կարմիր, ընդմիշտ կարմիր»,- գրել է նիգերիացի ֆուտբոլիստն Instagram-ի իր էջում:
31-ամյա ֆուտբոլիստը վարձակալության հիմունքներով էր հանդես գալիս «Մանչեսթեր Յունայթեդում»: Նրա տրանսֆերային իրավունքները պատկանում են «Շանհայ Շենհուային»: Նրա պայմանագիրը չինական ակումբի հետ ավարտվում է 2021 թվականի հունվարի 31-ին:
ԱՊԼ-ի ընթացիկ մրցաշրջանում Օդիոն Իգալոն ընդամենը 1 հանդիպում է անցկացրել ՄՅՈՒ-ի կազմում՝ փոխարինման դուրս գալով 2-րդ տուրի՝ «Քրիսթալ Փելասի» հետ խաղում (1-3):
Посмотреть эту публикацию в Instagram
