«Ռոստովի» և Հայաստանի հավաքականի կիսապաշտպան Խորեն Բայրամյանը կարծիք է հայտնել ռոստովյան ակումբի նախկին գլխավոր մարզիչ Վալերի Կարպինի մասին, ով այժմ գլխավորում է Ռուսաստանի հավաքականը։
— Դաշնային ալիքը քվեարկություն էր կազմակերպել Ռուսաստանի լավագույն մարզչի համար։ Կարպինը հաղթեց. Վալերի Գեորգիևիչը ձեզ համար տարվա մարզի՞չն է:
-Կարծում եմ՝ այսօր Վալերի Գեորգիևիչը Ռուսաստանի լավագույն մարզիչն է։ Այն, ինչ նա արեց Ռուսաստանի հավաքականի և «Ռոստովի» համար, անգին է։ Ես կարող եմ համաձայնվել այն մարդկանց հետ, ովքեր քվեարկել են նրա օգտին։
— Համեմատելով Սյոմինին և Կարպինին, ի՞նչ նմանություններ և տարբերություններ կարող եք առանձնացնել։
— Յուրաքանչյուր մարզիչ ունի իր դրական ու բացասական կողմերը: Երևի ինչ-որ մեկի թերություններն ընդգծելը իմ իրավասությունների մեջ չի մտնում։ Վալերի Գեորգիևիչի հետ երկու տարի աշխատեցի, իսկ Սյոմինի հետ՝ ընդամենը մի քանի ամիս, և դեռ որոշ ժամանակ վնասվածք ունեի։ Ե՛վ Կարպինը, և՛ Սյոմինն ունեն իրենց սեփական արսենալը՝ փորձով և գիտելիքներով։ Սյոմինը նույնքան կատակասեր է, որքան Վալերի Գեորգիևիչը.
-Գուցե բնավորության նմանություններ կայի՞ն:
-Չէ, լրիվ տարբեր են։ Երկուսն էլ կարող են կատակել, բայց կար այլ մոտեցում:
-Ո՞վ ավելի լավ հումորի զգացում ունի:
— Անգամ չգիտեմ: Հասկանալի է, որ Վալերի Գեորգիևիչը հեռուստատեսությունում մեծ փորձ ունի, այնտեղ նա շատ է կատակել և ամեն ինչ ասել այնպես, ինչպես կա։ Ես դժվարանում եմ պատասխանել, բայց հավանաբար կընտրեմ Գեորգիևիչին։ Նա ոչ միայն կատակում է, այլ ամեն ինչ ասում է այնպես, ինչպես կա՝ ուղիղ։ Չես ակնկալում, որ նա քեզ խաբի, և դա շատ ծիծաղելի է ստացվում։ Նա գիտի, թե ինչպես դա անել: Լրագրողները դա զգում են նաև նրանից հարցազրույց վերցնելիս։ Ամեն մարզիչ չէ, որ կարող է այդպես վարվել,- Բայրամյանի խոսքերն է մեջբերում РБ Спорт-ը։
