Շարունակվում է Եվրոպայի կանանց անհատական առաջնությունը, որում կայացան 7-րդ տուրի մրցախաղերը:
Հիշեցնենք, որ այս մրցաշարում Հայաստանը ներկայացնում են 7 շախմատիստուհիներ։
Էլինա Դանիելյանը 7-րդ տուրում ոչ-ոքի ավարտեց մրցախաղը վրացի շախմատիստուհու հետ: Այս պասին Դանիելյանն իր ակտիվում ունի 5,5 միավոր և կես միավորով զիջում է մրցաշարի առաջատարներին։
Իր հերթին Աննա Սարգսյանը հաղթեց Սուսաննա Գաբոյանին: Սարգսյանն իր ակտիվում ևս ունի 4,5 միավոր,իսկ Գաբոյանը՝ 4։
Լիլիթ Մկրտչյանը այս տուրում ևս հաղթանակ տարավ (4,5 միավոր), Սիրանուշ Ղուկասյանը (3,5 միավոր) և Մարիամ Մկրտչյանը (3 միավոր) միավորներ կիսեցին իրենց մրցակիցների հետ՝ խաղալով ոչ-ոքի, իսկ Մարիա Գևորգյանը երկրորդ անընդմեջ պարտությունը կրեց (4 միավոր)։
Եվրոպայի կանանց անհատական առաջնությունը անցկացվում է Ռումինիայի Յասի քաղաքում, որին մասնակցում են 29 երկրների 117 շախմատիստուհիներ։