«Ախմատի» նորանշանակ մարզիչ Յայա Տուրեն, որն ընդգրկվել է Անդրեյ Տալալաևի մարզչական շտաբում, Ռուսաստանի՝ Կոտ-Դ՛Իվուարի դեսպանությունից մերժում է ստացել աշխատանքային վիզայի տրամադրման հարցում։ Այս մասին հայտնել է գործակալ Դմիտրի Սելյուկը։
«Ախմատն» աշխատանքային վիզա է պատրաստել Յայայի համար։ Այստեղ ամեն բան կարգին է։ Նա այն պետք է ստանար Կոտ-Դ՛Իվուարում, վճարում կատարեր Ռուսաստանի դեսպանությունում և ժամաներ Ռուսաստան։ Բայց, օգտվելով առիթից, ուզում եմ դիմել ՌԴ արտաքին գործերի նախարարությանը։ Ես հասկանում եմ, որ յուրաքանչյուր զինվոր իրեն գեներալ է երևակայում։ Դեսպանատան աշխատակիցները Յայա Տուրեին, որն Աֆրիկայի ամենահայտնի ֆուտբոլիստն է ու երկրի ամենահայտնի անձանցից մեկը, ասում են․ «Եթե Դուք ունեք անգլիական քաղաքացիություն, ապա չեք կարող վիզա ստանալ»։ Նա երկքաղաքացիություն ունի։ Նա Կոտ-Դ՛Իվուարի քաղաքացի է։ Ցավոք, նման բյուրոկկարտների պատճառով տուժում է բիզնեսը։ Նա պետք է ապացուցի, թե ինչ հիմունքներով է գտնվում Կոտ-Դ՛Իվուարում։
Վիզան արդեն պատրաստ է, պարզապես՝ բրիտանական անձնագրով։ Այնպես է արվել, որ նա միանգամից երկու անձնագրով չմեկնի, Ռուսաստան մեկնելու համար նա ներկայացրել է բրիտանական անձնագիրը։ Օրինակ, նրանք մեկնում են հավաքի Ավստրիա․ անգլիացիների համար այնտեղ մեկնելու համար վիզա պետք չէ, իսկ Կոտ-Դ՛Իվուարի քաղաքացիների համար պետք է։
Դեսպանությունը մերժել է Յայա Տուրեին վիզա՞ տրամադրել․ այո։ Չնայած, աշխատանքային վիզան և ցանկացած քաղաքացու ստուգումը կատարվում է Մոսկվայում։ Հետո մենք նեղանում ենք, թե ինչու են Ռուսաստանի քաղաքացիների հետ նույն կերպ վարվում։ Քանի որ ամեն ինչ պետք է նորմալ անել։ Կարելի է կարծել՝ հյուպատոսը «Ախմատի» դեմ է»,- ասել է Սելյուկը։
