ՊՍԺ-ի 22-ամյա հարձակվող Կիլիան Մբապեն նշել է, թե որն է իր կարիերայի լավագույն խաղն ու նաև պատմել է իր ամբիցիաների մասին.
«Բարսելոնայի» նկատմամբ «Կամպ Նոում» այս տարվա փետրվարին տարած 4-1 հաշվով հաղթանակն իմ լավագույն հանդիպումն էր, քանի որ այն ամեն ինչով իդեալական էր: Ես օգնեցի իմ թիմին ինչպես հարձակման ժամանակ, այնպես էլ պաշտպանությունում: Կարողացա ստեղծել պահեր ու ցույց տալ այն, ինչի ունակ եմ: Ես հաղթեցի 90 տոկոս մենապայքարներում, եթե այդ ցուցանիշը ճշմարտացի է: Ընդհանուր առմամբ, ոչ մի պահ չեղավ, որ ինձ ճնշված զգամ:
Ամեն խաղի մրցակիցը բավականին շատ «հակակիլիանական» ծրագրեր է ունենում: Դա նշանակում է, որ ինձ մեծագույն ֆուտբոլիստ են համարում: Դա ինձ դուր է գալիս, քանի որ ես պաշտում եմ մարտահրավերները:
Որքան ավելի կարևոր անձնավորություն եք դառնում, այնքան շատ պարտականություններ եք ունենում: Ես այլևս փոքր երեխա չեմ: Ես Կիլիան Մբապեն եմ: Որո՞նք են ամբիցիաներս. հաղթել ամեն ինչ»,- Մբապեի խոսքերն է փոխանցում Esquire-ը:
Հիշեցնենք՝ Չեմպիոնների լիգայի 1/8 եզրափակչի պատասխան խաղում ՊՍԺ-ը հյուրընկալվելիս 4-1 հաշվով հաղթեց «Բարսելոնային», իսկ Մբապեն դարձավ հեթ-տրիկի հեղինակ: