Ա Սերիայի 34-րդ տուրում «Միլանը» ընդունել էր «Բենևենտոյին»։ Խաղից հետո միլանցիների գլխավոր մարզիչ Ստեֆանո Պիոլին մեկնաբանել է հանդիպման արդյունքն ու խոսել Զլատան Իբրահիմովիչի մասին։
«Հաջողության հասնելուն օգնում է թիմային ոգին։ Իհարկե, զգացվեց Զլատան Իբրահիմովիչի վերադարձը, նույնիսկ եթե նա հայտացուցակում չէր։ Իբրահիմովիչը չեմպիոն է, որն ազդում է թիմում յուրաքանչյուրի խաղի վրա, իր շուրջը բոլորին ստիպում է ավելի լավ խաղալ։
Խաղը մեզ համար կարևոր էր մրցաշարային աղյուսակի տեսանկյունից։ Միավորներ կորցնելը կարող էր մեզ վրա թանկ նստել։ Մենք գիտակցում էինք , որ առաջին րոպեներից պիտի նախաձեռնությունը մեր ձեռքը վերցնենք ու բարձր տեմպ հաղորդենք խաղին։ Կարծում եմ՝ առանց գնդակի խաղում դեռ պիտի ավելացնենք»,- Պիոլիի խոսքերն է փոխանցում Football Italia-ն։
