«Մանչեսթեր Սիթիի» հարձակվող Սերխիո Ագուերոն ԱՊԼ-ի 34-րդ տուրի՝ «Քրիսթալ Փելասի» հետ խաղից հետո (2-0) կիսվել է տպավորություններով։ Հենց 32-ամյա արգնետինացին այս խաղում դարձավ հաղթական գոլի հեղինակը․
«Վերջապես ես կարող եմ խաղալ, ես շատ երջանիկ եմ։ Ես երկար ժամանակ չեմ խաղացել ամբողջ 90 րոպե։ Հիանալի գոլ էր, քանի որ այն մեզ կօգնի արդեն այս շաբաթ հաղթել անգլիական Պրեմիեր-լիգայում։ Մենք սպասում ենք վաղվան։ Ամեն խաղը բարդ է, բայց մենք սպասում ենք վաղվան։ Իհարկե, եթե «Լիվերպուլը» վաղը հաղթի, ապա դա պարզապես հիանալի կլինի։
Բենջամին Մենդին մշտապես փորձում էր գտնել ինձ տուգանայինում։ Այն ամենն, ինչ ինձ պետք էր, մեկ կամ երկու հպումն էր։ Վերջապես ես գոլ խփեցի։ Այդ իսկ պատճառով շատ ուրախ եմ։ Պատրաստ եմ խաղալ նաև երեքշաբթի՝ ՊՍԺ-ի դեմ։ Ես ինձ լավ եմ զգում, ծունկս ինձ այլևս չի անհանգստացնում։ Ես պարզապես սպասում եմ խաղալու հնարավորության, ինչպես՝ այսօր։ Եթե ես խաղադաշտ դուրս չեմ գալիս, ապա դրանում ոչ մի սարսափելի բան չկա։ Ես ցանկանում եմ լինել թիմակիցներիս կողքին։ Իհարկե, յուրաքանչյուր խաղացող ցանկանում է դաշտ դուրս գալ։
Երբ ակումբի ղեկավարներն ինձ ասացին, որ մտադիր են իմ արձանը կանգնեցնել, ես ասացի, որ դա չեմ ցանկանում։ Եթե ակումբն իսկապես ցանկանում է անել դա, ինձ մնում է միայն շնորհակալություն հայտնել նրանց դրա համար»,- Ագուերոյի խոսքերն է փոխանցում BBC-ն։