Անգլիական «Մանչեսթեր Սիթիի» գլխավոր մարզիչ Խոսեպ Գվարդիոլան խոսել է «քաղաքաբնակների» 20-ամյա իսպանացի պաշտպան Էրիկ Գարսիայի «Բարսելոնա» հնարավոր տեղափոխության մասին:
«Մեր թիմում կան խաղացողներ, ովքեր չեն մասնակցում որևէ հանդիպման: Օրինակ ՝ Էրիկ Գարսիան, ով իմ սիրած խաղացողներից մեկն է: Ես կցանկանայի ունենալ 15 այդպիսի Էրիկ Գարսիա՝ իր պահվածքի համար: Նա միշտ մտածում է թիմի մասին:Նա անընդհատ օգնում է գլխավոր մարզչին և անձնակազմին:
Երբ լսում եմ, որ խաղացողները դժգոհ են իրենց խաղաժամանակից, ես միշտ հիշում եմ Գարսիայի պահվածքը: Ժամանակի մեծ մասը նա նույնիսկ պահեստայինների նստարարնին չէ, քանի որ պատրաստվում է տեղափոխվել «Բարսելոնա»: Իրավիճակը բարդ է, բայց մենք ունենք այն, ինչ ունենք », — մեջբերում է Գվարդիոլային Goal-ը: