Մադրիդի «Ռեալի» ու նորաստեղծ Սուպերլիգայի նախագահ Ֆլորենտինո Պերեսն ամեն գնով փորձում է կյանքի կոչել նոր նախագիծը: Իսպանացին համեմատել է Սուպերլիգան ու արդեն 20 տարի գոյություն ունեցող Բասկետբոլի Եվրալիգան.
«Բասկետբոլում Եվրալիգան վաղուց գոյություն ունի և դրա հետ մեկտեղ անցկացվում է նաև Իսպանիայի ներքին առաջնությունը. ոչ մի վատ բան տեղի չի ունենում: Եվրալիգան ստեղծվել է Թուրքիայի, Հունաստանի ու Ռուսաստանի ակումբների կողմից:
Այս ամենի արդյունքում ես հարցնում եմ՝ Ֆուտբոլը տարբերվու՞մ է, թե ինչ-որ բան ես չեմ հասկանում: Եվրալիգան ստեղծվեց ու ամեն ինչ հարթ է: Եվրալիգան փրկեց եվրոպական բասկետբոլը»,-ասել է Պերեսը:
Հիշեցնենք, որ Սուպերլիգայում, ըստ նախնականի, պետք է լինի եվրոպական թոփ 20 ակումբ: Սկզբում մասնակցությունը հաստատեց 12 ակումբ, իսկ հետո մի շարք դժգոհություններից հետո անգլիական ակումբները նախաձեռնեցին լիգայի լքումը, և դա կրեց շարունակական բնույթ: