Ֆուտբոլի նախկին մրցավար Հովարդ Ուեբն ամուսնացել է գերմանացի գործընկեր Բիբիանա Շտայնհաուսի հետ, հայտնում է Daily Mail-ը: 2003-ից 2014 թվականներին Ուեբը աշխատում էր Անգլիայի Պրեմիեր լիգայում:
2005-ին անգլիացի մրցավարը ընդգրկվել էր FIFA-ի մրցավարների ցուցակում: Ուեբը մասնակցել է 2010 և 2014 թվականների աշխարհի առաջնություններին և սպասարկել է Չեմպիոնների լիգայի 2009/10 թվականների եզրափակիչ «Բավարիա» — «Ինտեր» խաղը:
Շտայնհաուսը դարձավ առաջին կին մրցավարը, որին վստահվեց սպասարկել հանդիպում եվրոպական բարձրակարգ առաջնություններից մեկում՝ Բունդեսլիգայում: Բիբիանան ավարտել է մրցավարի կարիերան 2020 թվականին, բայց շարունակում է աշխատել VAR-ում:
Հարսանիքը տեղի է ունեցել առանց հյուրերի կամ վկաների ՝ կորոնավիրուսի սահմանափակումների պատճառով: «Մենք աներևակայելի երջանիկ ենք», — խոստովանել է Բիբիանան:
Former Premier League referee Howard Webb ties the knot with German official Bibiana Steinhausormer https://t.co/D3IrV8dMJO
— MailOnline Sport (@MailSport) April 13, 2021