«Արսենալի» նախկին հարձակվող Փոլ Մերսոնը մեկնաբանել է ԱՊԼ-ի հերթական տուրում «զինագործների»՝ «Լիվերպուլից» կրած պարտությունը՝ 0-3:
«Դա վատագույնն էր, ինչ ես տեսել եմ: Մարդիկ կխոսեն Ունայ Էմերիի ժամանակների ու Արսեն Վենգերի՝ «Արսենալում» անցկացրած ժամանակաշրջանի վերջին հատվածի մասին, բայց ես նման բան չէի տեսել: Ես միայն տեսնում էի, թե ինչպես են գնդակը հետ փոխանցումով ուղարկում դարպասապահին, ու հետ ստանում:
Երբ Արտետան ու Մոուրինյուն պարտվում են, իրենց տարբեր կերպ են պահում: Արտետան մեղավորությունն իր վրա է վերցնում, իսկ Մոուրինյուն քննադատում է ֆուտբոլիստներին: Բայց նրանք երկուսն էլ միևնույն բանի մասին են մտածում: Մոուրինյուն պարզապես բարձրաձայնում է այդ մասին: Նրանց տարբերությունն այն է, որ մի մարզիչն արդեն վաղուց է աշխատում ու ֆուտբոլում ամեն ինչ հաղթել է»,- Մերսոնի խոսքերն է փոխանցում Daily Mail-ը:
ԱՊԼ-ի մրցաշարային աղյուսակում «Արսենալը» 10-րդ հորիզոնականն է զբաղեցնում: