Կարպատյան տղաները․ Ովքեր են հրավիրվել Ռումինիայի ազգային հավաքական

Եվս մեկ՝ մեզ քաջ ծանոթ մրցակից։ Ռումինիան, ինչպես և Հայաստանի հավաքականը, ընդգրկվել է ԱԱ-2022 նախընտրական J խմբում։ Մարտի 31-ին Երևանում կկայանա այս երկու հանդիպումների առաջին դիմակայությունը։

Ռումինիայի հավաքականի ավագ Վլադ Չիրիչեշ

Գրաֆ Դրակուլայի հայրենիքը ներկայացնող հավաքականը յոթ անգամ մասնակցել է աշխարհի խաղերին, որոնցից առաջինը 1930-ին։ Չորս անգամ մասնակցել է Եվրոպայի խաղերին։ Առաջին հանդիպումը անցկացրել է 1922 թ. հունիսի ութին Բելգրադում՝ մրցելով Հարավսլավիայի հավաքականի հետ։ Խաղը ավարտվել է 1-2 հաշվով՝ հօգուտ ռումինացիների։ Ամենախոշոր հաղթանակը նշել է 1973 թ. հոկտեմբերի 14-ին՝ հաղթելով Ֆինլանդիային (9-0)։ Ամենածանր պարտությունը կրել է Հունգարիայից՝ Բուդապեշտոմ պարտվելով 9-0 (1948թ)։

Մինչ այժմ Հայաստանի և Ռումինիայի հավաքականները հանդիպել են 5 անգամ՝ 4 պաշտոնական հանդիպում և մեկ ընկերական։ Հատկանշական է, որ բոլոր պաշտոնական հանդիպումները կայացել են ԱԱ նախընտրական փուլի շրջանակում։ Առավելությունը ռումինների կողմն է՝ 4 հաղթանակ և 1 ոչ-ոքի։

2004թ Հայաստան-Ռումինիա 1։1 (ԱԱ նախընտրական խաղ)
2005թ Ռումինիա-Հայաստան 3։0 (ԱԱ նախընտրական խաղ)
2006թ Հայաստան-Ռումինիա 0։2 (Ընկերական հանդիպում)
2016թ Հայաստան-Ռումինիա 0։5 (ԱԱ նախընտրական խաղ)
2017թ Ռումինիա-Հայաստան 1։0 (ԱԱ նախընտրական խաղ)

Յանիս Հաջի

Ռումինիայի հավաքականի գլխավոր մարզիչ Միրել Ռեդոյը առաջիկա խաղերի համար հրավիրել է 24 ֆուտբոլիստի։ COVID-19-ի պատճառով առաջիկա հանդիպումները բաց կթողնի «Ինտերի» դարպասապահ Իոնու Ռադուն։ Հավաքական չեն հրավիրվել նաև Ալեսանդրու Միտրիտան՝ սաուդյան «Ալ-Ջեդահից», Ֆլորին Անդոնեն՝ «Բրայթոնից», և Կիևի «Դինամոյի» հենակետային կիսապաշտպան Տուդոր Բալուտան։

«Կարպատյան տղաների» կազմում սուպերաստղեր չկան, սակայն կան ֆուտբոլիստներ, ովքեր բավականին լավ մրցաշրջան են անցկացնում իրենց ակումբներում։ Օրինակ՝ ռումինական ֆուտբոլի լեգենդ Գեորգե Հաջիի որդին՝ Յանիս Հաջին, ով վերջերս Սթիվեն Ջերարդի «Ռեյնջերսի» կազմում դարձավ Շոտլանդիայի չեմպիոն։ Ռազվան Մարինը և հավաքականի ավագ Վլադ Չիրիչեշը կայուն ելույթներ են ունենում Ա Սերիայում,  Էրիկ Բիկֆալվին արդյունավետ մրցաշրջան է անցկացնում ՌՊԼ-ում, իսկ Կլաուդիո Կեսերուն՝ Բուլղարիայի առաջնությունում։ Իսկ ահա վերջերս «Պարմայի» կազմը համալրած Դենիս Մանը ընդհանրապես համարվում է ռումինական ֆուտբոլի ապագան։

Դարպասապահներ

Ֆլորիան Նիտա (Սպարտա Պրահա, 2/0),
Դավիդ Լազար (Աստրա 1/0),
Ֆլորիան Յակոբ (ՈՒՏԱ Արադ 0/0);

Պաշտպաններ

Վասիլեի Մոգոշ (Կիևո, 3/0),
Յանու Նեդելկիարու (ԱԵԿ, 13/2),
Ալին Տոշկա (Գազիանթեփ, 23/0),
Վլադ Չիրիչեշ (Սասուոլո, 59/0),
Անդրեյ Բուրկա (Կլուժ, 4/0),
Մարիո Կամորա (Կլուժ․ 2/0),
Օվիդիու Պոպեսկու (Ստյաուա, 0/0),
Նիկուսոր Բանկու (Ունիվերսիտատեա Կրաովիա,17/0);

Կիսապաշտպաններ

Ռազվան Մարին (Կալյարի, 25/2),
Ալեքսանդրու Կրետու (Մարիբոր, 4/0),
Նիկոլայե Ստանկու (Սլավիա, 42/10),
Յանիս Հաջի (Գլազգո Ռեյնջերս 14/0),
Ալեքսանդրու Մաքսիմ (Գազիանթեփ, 44/6),
Էրիկ Բիկվալվի (Ուրալ, 6/1),
Վալենտին Միխայլա (Պարմա, 0/0),
Դենիս Ման (Պարմա, 6/1),
Ֆլորին Տանասե (Ստյաուա, 5/0),
Ֆլորինել Կոման (Ստյաուա, 4/0),
Ալեքսանդրու Կիկալդաու (Ունիվերսիտատեա Կրաովիա, 10/0);

Հարձակվողներ

Կլաուդիո Կեսերու (Լուդոգորեց, 40/13),
Գեորգե Պուշկաշ (Ռիդինգ, 20/8)

FIFA-ի դասակարգման աղյուսակում Ռումինիայի հավաքականը զբաղեցնում է 37-րդ հորիզոնականը, Հայաստանի հավաքականը՝ 99-րդ։

Վար Բաբայան

Շարքի նախորդ մասերը

Հյուսիսի և հարավի բախումը. Ի՞նչ կազմով կժամանեն վիկինգները Երևան

Արդեն հարազատ դարձած մրցակիցը․ Լիխտեյնշտեյն