«Այաքսի» հարձակվող Բրայան Բրոբին կարիերան կշարունակի գերմանական Բունդեսլիգայում: 19-ամյա հոլանդացին պայմանագիր է կնքել «ՌԲ Լայպցիգի» հետ: Այս մասին հայտնում է գերմանական ակումբի պաշտոնական կայքը:
Բրոբին «Լայպցիգի» հետ պայմանագիր է կնքել, որն ուժի մեջ կմտնի 2021 թվականի հուլիսի 1-ից: Առաջիկա ամռանը Բրոբին ազատ խաղացողի կարգավիճակ կստանա, քանի որ «Այաքսի» հետ նրա պայմանագրի ժամկետը մոտենում է ավարտին: «Լայպցիգի» հետ նրա պայմանագիրը նախատեսված կլինի մինչև 2025 թվականը:
Посмотреть эту публикацию в Instagram
Բրոբին «Այաքսի» սան է: Նա հոլանդական ակումբի գլխավոր թիմի կազմում նորամուտը նշել է անցած տարվա աշնանը: Բրայանն «Այաքսի» կազմում բոլոր մրցաշարերում 11 հանդիպման է մասնակցել, որոնցում դարձել է 4 գոլի և 2 գոլային փոխանցման հեղինակ:
