Այսօր մարտի 8-ն է՝ Կանանց միջազգային օրը․․․ Շնորհավորում ենք բոլոր կանանց և աղջիկներին այս գեղեցիկ տոնի կապակցությամբ։ Մաղթում ենք ձեզ անսահման սեր, երջանկություն, հաջողություն և առողջություն։
Կանանց միամսյակով պայմանավորված, ArmSport-ը առաջիկա մեկ ամսվա ընթացքում էլ ավելի հաճախակի կանդրադառնա սպորտում մեծ հաջողությունների հասած գեղեցիկ սեռի ներկայացուցիչներին։ Մարզիկների, ովքեր իրենց հետքն են թողել համաշխարհային սպորտում, կամ դեռ շարունակում են ուրախացնել միլիոնավոր երկրպագուների ամբողջ մոլորակում․․․
Եվ այսպես, այսօր մեր դիտակետում է երիտասարդ ամերիկուհի Սիմոնե Բայլսը։
🇺🇸 ԱՄՆ
Ծննդյան տարեթիվ՝ 1997
Մարմնամարզուհի
Նրան անվանում են նոր «BI Queen», ռոբոտ և Սուրիա Բոնալի (ֆրանսիական գեղասահքի լեգենդ) գեղարվեստական մարմնամարզության մեջ: Նրա անունով է կոչվում սպորտային տարրերից մեկը․․․ Բայլսը աշխարհի 19-ակի չեմպիոն է (ընդհանուր հաշվարկ), որը, ի դեպ, համաշխարհայի ռեկորդ է մարմնամարզությունում։ Բայլսը 3 անգամ արժանացել է «Ամերիկայի չեմպիոն» մրցանակին (2013, 2014 և 2015 թթ), դարձել է Աշխարհի չեմպիոն երկու անգամ «գետնային վարժություններ» մարզագործիքի վրա (2013, 2014) և մեկ անգամ «գերան» մարզագործիքի վրա (2014), իսկ 2014 թ. հավաքականի հետ արժանացել է ոսկե մեդալի Աշխարհի սպորտային մարմնամարզության առաջնությունում։
23 տարեկան հասակում ամերիկացի մարմնամարզուհին դարձավ իր սպորտի իսկական դեսպանը ամբողջ աշխարհում: Գեղարվեստական մարմնամարզությունն այնքան էլ մասսայական չէ, այն առավել հաճախ հիշում են ամառային օլիմպիական խաղերի ժամանակ, բայց Բայլսի յուրաքանչյուր ներկայացում սպորտային փոքրիկ գլուխգործոց է.
👨👩👧 Դժվար մանկություն․ իսկական ծնողները
Սիմոնե Արիանա Բայլսը ծնվել է 1997-ի մարտին 14-ին (շուտով նրա ծննդյան օրն է, այդ իսկ պատճառով էլ մեր՝ Լավագույնները շարքի առաջին հերոսի ընտրությունը կանգ առավ հենց Բայլսի օգտին)։ Նա Բելիզից ԱՄՆ տեղափոխված ընտանիքի չորս երեխաներից երրորդն է։ Իսկ նախքան Սիմոնեի հորը հանդիպելը, Չենոննը՝ նրա մայրը, արդեն ուներ երեք երեխա: Մայրը տառապում էր ալկոհոլիզմով և դուրս չէր գալիս բանտից, իսկ հայրը շուտով ընդհանրապես անհետացավ ընտանիքից:
Հայտնի չէ, թե ինչպես կդասավորվեին երեխաների ճակատագրերը, եթե չլինեին Ռոնի պապն ու նրա երկրորդ կինը՝ Նելլի Կայետանո Բիլին, ովքեր որդեգրել էին աղջկան: Պապը ծառայում էր ԱՄՆ ՌՕՈւ Ռենդոլֆի ռազմաօդային բազայում, հետագայում աշխատանքի էր անցել Դաշնային ավիացիոն վարչությունում, տատը բուժքույր էր, ծերանոցների ցանցի նախկին համասեփականատեր: Սիմոնեն նրանց անվանում է իսկական ծնողներ:
🥇 Ապագա մասնագիտությունը
Վեց տարեկանում Բայլսը սկսեց զբաղվել մարմնամարզությամբ: Դպրոցական նստարանի մոտ նստելու փոխարեն, աղջիկը սովորում էր տանը, ինչը նրան թույլ էր տալիս շաբաթական 32 ժամ տրամադրել մարզմանը: Սա բացատրում է արդյունքների կտրուկ աճը, որն արդեն 14 տարեկան հասակում հնարավորություն տվեց ընդգրկվել ազգային հավաքականի երիտասարդական կազմում: Նա չկարողացավ մասնակցել Լոնդոնի Օլիմպիական խաղերին՝ տարիքային սահմանափակման պատճառով։
Բայց ահա Ռիոյում․․․ մի փոքր սպասեք։
Սիմոնե Բայլսի առաջին լուրջ մրցաշարը տեղի է ունեցել 2011-ին Հյուսթոնում ՝ ամերիկյան դասականում: Ճարպիկ աղջիկը հաղթեց մի քանի վարժություններում, և ի վերջո դարձավ երրորդը բազմամարտում: Ավելին, Էմի Բիրմանի ղեկավարությամբ, որին մարմնամարզիկը երկրորդ մայր է անվանում, Սիմոնեն սկսեց գրավել մարզական գագաթները: 2012-ին նա մասնակցեց ԱՄՆ առաջնությանը, 2013-ին նա իր միջազգային դեբյուտը անցկացրեց Ամերիկայի գավաթում:
Միևնույն ժամանակ, աղջիկը հրավեր ստացավ Բելա և Մարտա Կարոլյիի մասնավոր ուսումնական կենտրոն ՝ հայտնի Ռանչո Կարոլի, որը 80-ականներից «ստեղծում» էր բարձրակարգ մարզիկների: Ուսումնական կենտրոնը Հյուսթոնում իզուր չի համարվում ամբողջ մոլորակում առաջատարը, այնտեղ մարզվել են Նադյա Կոմանեցին, Ժուլիանա Մաքնամարան, Մերի Լու Ռեթոնը:
Նրանց միացավ Բայլսը՝ առաջին աֆրոամերիկացին, ով դարձավ աշխարհի բազմամարտի չեմպիոն: Մի քանի տարի անց պատմության մեջ առաջին անգամ Սիմոնեն երեք անընդմեջ ոսկի նվաճեց բազմամարտում, ինչը նրան բերեց ռեկորդային տաս ոսկե մեդալ միջազգային մրցումներում: Այսպիսով, մարմնամարզիկը հստակ պատկերազարդեց Կարոյի ամուսինների աշխատանքի սկզբունքը՝ միայն առաջին տեղը:
Իսկ հիմա Ռիոն․․․
2016-ին Ռիոյի Օլիմպիական խաղերում նա վեց մեդալից նվաճեց հինգը: Սիմոնեն ոսկի է նվաճել բացարձակ ու թիմային առաջնությունում, ինչպես նաև ազատ վարժությունում և ցատկ վարժությունում : Բրուսների վրա նա դարձավ բրոնզե մեդալակիր:
Ռիոյում իր հաղթանակից հետո 2016 թվականի Օլիմպիական խաղերի փակման արարողությանը Սիմոնեին տրվեց ԱՄՆ դրոշը կրելու պատիվ:
2019 թ.-ին Շտուտգարտում կայացած աշխարհի առաջնությունում նա նվաճեց 5 ոսկե մեդալ և գերազանցեց Վիտալի Շչերբոյի մարմնամարզության հավերժական ռեկորդը. Սիմոնեն 25-րդ անգամ բարձրացավ մրցանակակիրների հարթակ (մեդալների պոդիում):
«Մի անգամ ես միաժամանակ դրեցի իմ հինգ օլիմպիական ոսկե մեդալները, և պարանոցս ցավեց․ շատ ծանր էր: Ի՞նչ կլինի, եթե ես հագնեմ բոլոր քսանհինգը», – հարցրեց վերջերս մարմնամարզիկը հարցազրույցներից մեկի ժամանակ:
💊 Դոպինգային սկանդալ
2016-ի օգոստոսին, ըստ Fancy Bears Hack Team հաքերական խմբի, նա դրական թեստ է հանձնել մեթիլֆենիդատի (փսիխոստիմուլյատոր) համար․ ըստ օրենքի՝ նա չի խախտել հակադոպինգային կանոնները, քանի որ մարզիկի բժշկական պատմության մեջ նշված է եղել թույլտվությունն այդ դեղերը օգտագործելու համար, որը նախատեսված է ուշադրության և կենտրոնացվածության պակասի դեմ պայքարելու համար: Ինքը ՝ Բայլսը, Twitter-ի իր միկրոբլոգում գրել է, որ չի ամաչում այդ դեղերի օգտագործման համար, որոնք օգնել են իրեն հաղթահարել առողջական խնդիրները. «Ես ունեմ մի հիվանդություն և մանկուց դեղեր եմ օգտագործել: Ես հավատում եմ մաքուր սպորտին և միշտ հավատարիմ եմ կանոններին, և ես կշարունակեմ արդար խաղալ»:
Իսկ դրանից արդեն երկու տարի անց Սիմոնեն AIPS- ի (Սպորտային մամուլի միջազգային ասոցիացիա) կողմից ճանաչվել է 2018 թվականի լավագույն կին մարզիկ: Նրա կենսագրության մասին նույնիսկ վավերագրական ֆիլմ նկարահանվեց։
⛩ Տոկիո-2020
Բայլսը խոստովանել է, որ մտածում էր 2020-ի խաղերին չմասնակցելու մասին, երբ իմացավ, որ դրանք հետաձգվում են կորոնավիրուսի համաճարակի պատճառով:
«Սա մեծ հոգեբանական և ֆիզիկական սթրես է: Ես կասկածում էի, որ կկարողանամ ևս մեկ տարի պահպանել մարզավիճակս: Բայց հիմա իմ մոտիվացիան ապացուցում է, որ կարող եմ մեկ տարի էլ սպասել, կարող եմ նորից դա անել, նույնիսկ ավելի լավ հանդես գալ, քան Ռիոյում: Տեղեկանալով Օլիմպիական խաղերի հետաձգման մասին ՝ ես լաց եղա: Իհարկե, այժմ ավելի լուրջ խնդիրներ կան, քան հետաձգված Օլիմպիական խաղերը:
Պատկերացրեք, թե ինչ է դա, երբ մի օր նրանք գալիս են ձեզ մոտ և ասում. «Կներեք, բայց ևս մեկ տարի»: Մտածե՞լ եմ մասնակցելուց հրաժարվելու մասին: Այո, դժվար է, բայց կարծում եմ, որ ես ուժեղ եմ հոգեպես և ֆիզիկապես, այնպես որ կարող եմ գլուխ հանել դրանից, ինչպես բոլորը», – ասել է Բայլսը:
Ի դեպ, Laureus World Sports Awards-ը Բայլսին ճանաչել է 2019 թվականի լավագույն կին մարզիկ։
❤️ Անձնական կյանքը
2017-ի ամռանը մարմնամարզիկը հայտնեց՝ ով է իր կյանքի տղամարդը: Պարզվեց, որ նա մարմնամարզիկ Սթեյսի Էրվին-կրտսերն է: Տղայի մարզական նվաճումներից են `բրոնզե մեդալներ ԱՄՆ-ի առաջնություններում հատակային վարժություններում, հաղթանակ Համալսարանական մարզական ասոցիացիայի առաջնությունում:
Սիմոնեն բավականին բաց ու շփվող աղջիկ է, նա կարող է ծիծաղել իր հասակի վրա (142 սմ)՝ Instagram- ում տեղադրելով լուսանկար այլ մարզիկների կամ ընկերների հետ, որոնց գոտկատեղից է:
Բայլսը սիրում է իտալական ուտեստներ, իսկ ազատ ժամանակ սիրում է գնումներ կատարել, ընկերների հետ զբոսնել, լողալ կամ խաղալ իր գերմանական հովվաշների հետ: Նրա սիրած հեռուստաշոուներն են՝
«Փոքրիկ ստախոսները» և «Մարմնամարզիկները» ռեալիթի շոուները:
😉 Եվ վերջում, մի փոքր պոզիտիվ․․․
Գեղարվեստական մարմնամարզության օլիմպիական խաղերի քառակի չեմպիոնը կորոնավիրուսով պայմանավորված կարանտինը բոլորվին ձանձրալի չէր անցկացրել․ օրինակ՝ նա ցույց էր տվել, թե ինչպես կարելի է հանել տաբատը՝ ձեռքերի վրա կանգնած: 23-ամյա ամերիկուհին Instagram-ում տեղադրել է ակրոբատիկ աճպարարությամբ տեսանյութ:
Посмотреть эту публикацию в Instagram
Մարմնամարզուհու տեսանյութը գնահատեց նաև հայտնի դերասանուհի Հոլլի Բերին։ «Ես հիանում եմ քեզնով, աղջիկ, միայն դու ես ունակ այսպիսի բաներ անելուն», – գրել է դերասանուհին:
Եվ իսկապես, այն, ինչ անում է Բայլսը, միայն հիացմունքի է արժանի․․․
Վար Բաբայան
GALLERY
