Իտալացի գործարար և անգլիական «Լիդս Յունայթեդ» ֆուտբոլային ակումբի սեփականատեր Անդրեա Արդրիզանին ամերիկյան CBS Sports հեռուստաընկերությանը տված հարցազրույցում կիսել է իր կարծիքը Մարսելո Բիելսայի ճակատագրի վերաբերյալ։
«Մարսելոն գիտի, որ մենք իրենից գոհ ենք։ Եթե նա մնա, մենք շատ ուրախ կլինենք շարունակել մեր համագործակցությունը: Ֆուտբոլիստները դեռ անվերապահորեն հետևում են նրան, և սա ամենակարևոր ցուցանիշն է ինձ համար:
Սակայն դա կլինի բացառապես նրա որոշումը: Ամեն դեպքում, ես և Վիկտոր Հորտան (Լիդսի մարզական տնօրեն) արդեն վերլուծել ենք հետագա զարգացումների տարբերակները, եթե Մարսելոն չցանկանա երկարաձգել պայմանագիրը մեզ հետ:
Հուսով ենք, որ նա կմնա, բայց, ամեն դեպքում, մենք ակումբը կպատրաստենք նրա հեռանալու համար», — ամփոփել է Արդրիզանին:
Ներկայումս «Լիդսը» Պրեմիեր լիգայի մրցաշարային աղյուսակում 12-րդ տեղում է, իսկ մարզչի պայմանագիրը ավարտվում է ֆուտբոլային մրցաշրջանի ավարտին:
