Հինգշաբթի, փետրվարի 18-ին, տեղի ունեցան Եվրոպա լիգայի 1/16 եզրափակչի առաջին հանդիպումները: Ընդհանուր առմամբ 16 խաղում գրանցվել է 59 գոլ:
Ըստ Opta-ի, այս ցուցանիշը ռեկորդային է ՈՒԵՖԱ-ի փլեյ-օֆֆի մեկ երեկոյի համար:
Հիշեցնենք, որ ամենաարդյունավետը «Յանգ Բոյզ» — «Բայեր» (4:3) եւ «Անտվերպեն» — «Ռեյնջերս» (3:4) հանդիպումներն էին: 6 գոլ է գրանցվել «Օլիմպիակոս» — ՊՍՎ «Այնդհովեն» (4: 2) եւ «Մոլդե» — «Հոֆենհայմ» (3: 3) հանդիպումներում:
1/16 եզրափակչի պատասխան հանդիպումները կանցկացվեն փետրվարի 24-25-ը:
