Ավարտին է մոտենում հունվարի 29-ին մեկնարկած «Արարատի» ուսումնամարզական հավաքը Արաբական Միացյալ Էմիրությունների Դուբայ քաղաքում:
«Հավաքի ընթացքում մեր թիմը հնարավորություն ստացավ լավ եղանակային պայմաններում լիարժեք մարզումներ անցկացնել: Այս ընթացքում «Արարատի» հետ պայմանագիր ստորագրեց և թիմին միացավ ուկրաինացի եզրային կիսապաշտպան Մաքսիմ Զադերական»,- հավաքն ամփոփում է երևանյան ակումբի մամուլի քարտուղարությունը:
«Արարատը» չորս ստուգողական հանդիպում անցկացրեց և տարավ նույնքան՝ խոշոր հաշվով հաղթանակ:
30․01․2021թ, «Շարջա Սպորտային Ակումբ», Շարջա, ԱՄԷ
«Ատլետիկո Արաբիա» (ԱՄԷ) — «Արարատ» 1:7 (0:4)
«Արարատի» գոլերը՝ Էդգար Մալաքյան 6՛, Մորի Կոնե 8՛, 19′, 52՛, Ուրոշ Նենադովիչ 31՛, Սերոժ Թիթիզյան 75՛, Զավեն Բադոյան 87՛
02․02․2021․ Dubai Sports City, Դուբայ, ԱՄԷ
«Լիվա» (ԱՄԷ) — «Արարատ» 1։4 (0:2)
Գոլերը՝ ԻԳ 21՛, Դիմիտրիյե Պոբուլիչ 28՛, Ուրոշ Նենադովիչ 65՛, 70՛,
06․02․2021․ JA Shooting Club, Դուբայ ԱՄԷ
«Ռոդինա» (Ռուսաստան) — «Արարատ» 0։4 (0:2)
Գոլերը՝ Արտակ Եդիգարյան 28՛, Էդգար Մալաքյան 36՛, Մաքսիմ Զադերակա 57՛, 60՛
11.02.2021, Dubai Sports City, Դուբայ, ԱՄԷ
«Ֆուրսան Հիսպանիա» — «Արարատ» 0:4 (0:2)
Գոլերը՝ Դիմիտրիյե Պոբուլիչ 38՛, 47՛, Մաքսիմ Զադերակա 38՛, Էդգար Մալաքյան 63՛
Փետրվարի 12-ին «Արարատը» կվերադառնա Երևան և երեք օր հանգստից հետո կվերսկսի մարզումները՝ պատրաստվելով փետրվարի 21-ին նախատեսված «Ուրարտուի» դեմ Vbet Հայաստանի Պրեմիեր լիգայի 6-րդ տուրից հետաձգված հանդիպմանը: