Իտալիայի հավաքականի գլխավոր մարզիչ Ռոբերտո Մանչինին La Gazzetta dello Sport-ին տված հարցազրույցում մեկնաբանել է «Ռոմայի» կիսապաշտպան Նիկոլո Ձանիոլոյի վնասվածքը և խոսել Մարիո Բալոտելիի մասին:
«Ցավում եմ Ձանիոլոյի համար, քանի որ նա կարող էր շարունակել իր առաջընթացը: Նիկոլոն եզակի է, քանի որ նա դաշտում կատարում է մի քանի դեր, նա ունի շատ դրական հատկություններ:
Մենք խոսեցինք հեռախոսով, ես նրան աջակցեցի: Նա երիտասարդ է և կարող է հասցնել ապաքինվել մինչև Եվրո -2020-ը:
Բալոտելի՞ն։ Ես հետևում եմ նրա բոլոր խաղերին։ Նա պետք է սկսի գոլեր խփել և խենթի պես վազել խաղադաշտում»,- ասել է Մանչինին:
