Գերմանիայի Բունդեսլիգայի 15-րդ տուրի շրջանակում Մյունխենի «Ալիանս Արենա» ստադիոնում «Բավարիան» հյուրընկալել էր «Վերդերին»։
Հանդիպումը ավարտվեց 6-1 հաշվով։ Խաղի առաջին գնդակը խփեցին հյուրերը։ Աչքի ընկավ Միլոտ Ռաշիցան։ Հետո եկավ մյունխենցիների հերթը։ Վեց գնդակներից երեքը հեղինակեց Ֆիլիպե Կոուտինյոն՝ գրանցելով հեթ-տրիկ։ Դուբլ գրանցեց Ռոբերտ Լևանդովսկին, մեկ անգամ էլ աչքի ընկավ Թոմաս Մյուլերը։
Զուգահեռաբար խաղում էր նաև «Բորուսիա» Դորտմունդը։ Լյուսիեն Ֆավրի թիմի մրցակիցը «Մայնցն» էր։ Դորտմունդցիները 4-0 հաշվով հաղթեցին մրցակցին։ «Բորուսիայի» կազմում մեկական անգամ աչքի ընկան Մարկո Ռոյսը, Ջեյդոն Սանչոն, Տորգան Ազարը և Նիկո Շուլցը։
Այս հաղթանակներից հետո «Բավարիան» միավորների քանակը հասցնում է 27-ի ու բարձրանում է 3-րդ հորիզոնական։ «Բորուսիան», վաստակելով 26 միավոր, բարձրանում է 4-րդ հորիզոնական։
