«Վեսթ Բրոմվիչը» պայմանագիր է կնքել «Զենիթի» նախկին պաշտպան Բրանիսլավ Իվանովիչի հետ։ Այս մասին հայտնում է անգլիական ակումբի կայքը։
Սերբ ֆուտբոլիստը անգլիական ակումբի հետ մեկ տարվա պայմանագիր է կնքել։
Իվանովիչը ազատ գործակալի կարգավիճակ ուներ։ Նա 2017-ի փետրվարից մինչև այս տարվա հուլիս հանդես էր գալիս Պետերբուրգի «Զենիթում»։ Նրա ակտիվում 125 խաղ, 12 գոլ ու 4 փոխանցում կա։
Սերբ ֆուտբոլիստը կարիերայի ընթացքում հանդես է եկել նաև Մոսկվայի «Լոկոմոտիվում» ու Լոնդոնի «Չելսիում»։