2019/20 մրցաշրջանում «Մանչեսթեր Յունայթեդը» ավելի քան 150 միլիոն ֆունտ է ծախսում ֆուտբոլիստների աշխատավարձերի վրա: Թիմի ամենաբարձր վարձատրվող խաղացողը դարպասապահ Դավիդ Դե Խեան է, որը 2019-ի սեպտեմբերից նոր պայմանագրով վարձատրվում է շաբաթական 350 հազար ֆունտով (տարեկան 18,2 միլիոն ֆունտ):
Նույնքան է վաստակում նաև Ալեքսիս Սանչեսը, որը խաղում է «Ինտերի» կազմում վարձավճարով, իսկ միլանյան ակումբը չիլիացու պայմանագրի միայն մի մասն է վճարում:
Կիսապաշտպան Պոլ Պոգբայի աշխատավարձը տարեկան 15 միլիոն ֆունտ է (շաբաթական 290 հազար ֆունտ): Հարձակվողներից առավել բարձր են վարձատրվում Էնթոնի Մարսիալը (տարեկան 13 միլիոն ֆունտ / շաբաթական 250 հազար ֆունտ) և Մարկուս Ռեշֆորդը (տարեկան 10,4 միլիոն ֆունտ / շաբաթական 200 հազար ֆունտ):
«Մանչեսթեր Յունայթեդի» հիմնական խաղացողներից ամենաքիչը ստանում է կիսապաշտպան Սքոթ Մակտոմինեն: Լինելով մեկնարկային կազմի խաղացող ՝ շոտլանդացին տարեկան ստանում է 520 հազար ֆունտ (շաբաթական 10 հազար ֆունտ):
