Իսպանական Լա լիգայի 14-րդ տուրում «Ռեալը» հյուրընկալել էր «Ռեալ Սոսիեդադին». հանդիպումն ավարտվեց տանտերերի հաղթանակով՝ 3:1:
Խաղի մեկնարկից մոտ 2 րոպե անց Ռամոսի սխալ հետ փոխանցումից հետո Վիլյամ Խոսեն շրջանցել է դարպասապահին և գնդակն ուղարկել դարպասը:
37-րդ րոպեին Կարիմ Բենզեման հավասարեցրել է հաշիվը: Երկրորդ կեսի մեկնարկից 2 րոպե անց Վալվերդեն փայլուն գոլի հեղինակ է դարձել՝ առաջ մղելով մադրիդյան թիմին: 74-րդ րոպեին Մոդրիչը դարձյալ գեղեցիկ գոլով ձևակերպել է վերջնարդյունքը՝ 3:1:
Հանդիպման տեսությունն՝ այստեղ:
Այս հաղթանակից հետո «Ռեալը» 28 միավորով շարունակում է «Բարսելոնայի» հետ գլխավորել մրցաշարային աղյուսակը:
