Իտալացի Մատեո Բերետինին դուրս է եկել թենիսի ԱՄՆ բաց առաջնության երկրորդ փուլ: Առաջին տուրում Բերետինին հաղթեց ճապոնացի Գո Սոեդուին՝ 7:6 (7:5), 6:1, 6:4: Խաղը տևեց 2 ժամ 3 րոպե: Երկրորդ տուրում Բերետինին կխաղա ֆրանսիացի Ուգո Հումբերտի հետ, ով մեկնարկում հաղթեց մեկ այլ ճապոնացի Յուիչի Սուգիտային՝ 6:3, 6:4, 6:3:
Երկրորդ տուրում կխաղա նաև ավստրալացի Ալեքս դե Մինորին: Նա երեք սեթում հաղթեց սլովակ Անդրեյ Մարտինին՝ 6:4, 6:3, 7:5: Ալեքսի հաջորդ մրցակիցը ֆրանսիացի Ռիշար Գասկեն է:
Բրիտանացի թենիսիստ Էնդի Մարեյը US Open-ի առաջին տուրում հաղթեց ճապոնացի Յոսիհիտո Նիշիոկուին: Հանդիպումը տևեց 4 ժամ 39 րոպե և ավարտվեց նրանով, որ Մարեյը հաղթեց հինգ սեթում՝ 4:6, 4:6, 7:6 (7:5), 7:6 (7:4), 6:4 հաշվով: Հաջորդ տուրում աշխարհի նախկին առաջին ռակետը կհանդիպի Ֆելիքս Օգե (Կանադա) — Տիագո Մոնտեյրո (Բրազիլիա) զույգի հաղթողին:
Ռուս թենիսիստ Դանիիլ Մեդվեդևը ևս դուրս եկավ US Open-ի երկրորդ փուլ․ նա խաղում էր արգենտինացի Ֆեդերիկո Դելբոնիսի հետ եւ ջախջախիչ հաղթանակ տարավ՝ 6:1, 6:2, 6:4: Խաղը տևեց 1 ժամ 48 րոպե: Երկրորդ տուրում Մեդվեդևը կհանդիպի ավստրալացի Քրիստոֆեր Օ’Կոնելին, ով առաջին շրջանում հաղթեց սերբ Լասլո Դայերին:
Իսպանացի Ռոբերտո Բաուտիստա-Ագուտը հաղթեց ամերիկացի Տենիս Սանդգրենին՝ 6:4, 6:4, 7:6 (7:3): Հանդիպումը տևեց 2 ժամ 48 րոպե: Իսպանիացու հաջորդ մրցակիցը կլինի Ջանլուկա Մաջեր (Իտալիա) — Միոմիր Կեցմանովիչ (Սերբիա) զույգի հաղթողը:
Կանադացի Միլոշ Ռաոնիչը US Open-ի մեկնարկում վստահ հաղթանակ տարավ արգենտինացի Լեոնարդո Մայերի նկատմամբ` 6:3, 6:2, 6:3: Խաղը տևեց 1 ժամ 52 րոպե: Երկրորդ տուրում Ռաոնիչը կանադական դերբիում կհանդիպի Վաշեկ Պոսպիսիլի հետ, ով փորձառու գերմանացի Ֆիլիպ Կոլշրայբերին չթողեց անցնել երկրորդ փուլ: Խաղն ավարտվեց երեք սեթում՝ 7:6 (7:4), 7:5, 7:6 (7:3)՝ հօգուտ Պոսպիսիլի:
Հաջորդ փուլում է նաև բրիտանացի Դանիել Էվանսը՝ հաղթելով բրազիլացի Տիագո Սեյբոտին` 6:2, 6:1, 7:6 (7:5): Երկրորդ տուրում Էվանսը կհանդիպի կամ ֆրանսիացի Կորենտին Մուտի, կամ չեխ Իրժի Վեսելիի հետ:
