«Բարսելոնայի» մամուլի ծառայությունը տեղեկացնում է Չեմպիոնների լիգայի խաղարկության լիգայի փուլի 4-րդ տուրի «Ասթոն Վիլայի» դեմ կայացած խաղում (3-0) թիմի կիսապաշտպան Ռոդրիի ստացած վնասվածքի մասին։
Իսպանացի ֆուտբոլիստը խաղի ընթացքում մկանային անհանգստություն էր զգացել և փոխարինվել էր ընդմիջմանը։ Նրա փոխարեն խաղադաշտ էր դուրս եկել Մարկ Բեռնալը: Ինչպես նշվում է կատալոնական ակումբի տարածած պաշտոնական հայտարարության մեջ, անցկացված բուժզննման արդյունքում Ռոդրիի մոտ ախտորոշվել է աջ ազդրի հետին մկանի թեթև վնասվածք: Ապաքինման ստույգ ժամկետներն առայժմ հայտնի չեն:
Վնասվածքի պատճառով Ռոդրին ստիպված կլինի բաց թողնել Իսպանիայի Լա լիգայի 12-րդ տուրի շրջանակում նոյեմբերի 8-ին կայանալիք Մադրիդի «Ատլետիկոյի» դեմ արտագնա հանդիպումը:
