Անգլիայի Պրեմիեր լիգայի 2026/2027 թվականների մրցաշրջանի 3-րդ տուրում Լիվերպուլի «Հիլ Դիկինսոն» մարզադաշտում կայացավ «Էվերթոն» — «Մանչեսթեր Յունայթեդ» հանդիպումը։ Ջոն Բրուքսի գլխավորությամբ անցկացված խաղն ավարտվեց մարտական ոչ-ոքի՝ 2։2։
Գոլազուրկ առաջին խաղակեսից հետո երկրորդ կեսի հենց մեկնարկում՝ 46-րդ րոպեին, Բրիան Մբեմոն առաջ մղեց մանկունիանցիներին։ Տանտերերին հաջողվեց վերականգնել հաշվի հավասարությունը 83-րդ րոպեին Թայրիկ Ջորջի դիպուկ հարվածի շնորհիվ։
Հանդիպման վերջնամասն իսկական դրամա էր պարունակում իր մեջ: Ընդամենը հինգ րոպե անց Բենիամին Շեշկոն կրկին առաջ մղեց «Յունայթեդին», սակայն հյուրերը չկարողացան պահպանել հաղթական հաշիվը։ 90+6-րդ րոպեին Էնսլի Մեյթլենդ-Նայլզը գրավեց մրցակցի դարպասն ու փրկեց «Էվերթոնին» պարտությունից:
Այս խաղից հետո «Էվերթոնը» վաստակած 5 միավորով զբաղեցնում է Պրեմիեր լիգայի մրցաշարային աղյուսակի 8-րդ հորիզոնականը, իսկ «Մանչեսթեր Յունայթեդը» 4 միավորով հանգրվանել է 11-րդ տեղում։
Տեսանյութը՝ ԱՅՍՏԵՂ
Մրցաշարային աղյուսակն այս պահին
