Շվեդիայի հավաքականի լեգենդար նախկին հարձակվող Զլատան Իբրահիմովիչն անդրադարձել է «Ասթոն Վիլայի» 23-ամյա կիսապաշտպան Մորգան Ռոջերսի՝ 138 միլիոն եվրոյի դիմաց Լոնդոնի «Չելսի» տեղափոխությանը։
«Միայն մեկ հաջող մրցաշրջան անցկացնելը դեռ չի նշանակում, որ ֆուտբոլիստն արժե 100 միլիոն եվրո: Սա պետք է անհապաղ դադարեցնել: Հետաքրքիր է իմանալ՝ այդ դեպքում որքա՞ն արժեն Լամին Յամալը, Վինիսիուսն ու Մայքլ Օլիսեն, եթե Ռոջերսին գնահատում են 138 միլիոն եվրո: Այս ամենը պետք է դադարի»,- Իբրահիմովիչի խոսքերն է մեջբերում Fox Sports-ը:
Հիշեցնենք, որ նախորդ մրցաշրջանում Ռոջերսը բոլոր մրցաշարերի կտրվածքով մասնակցել է 55 հանդիպման՝ դառնալով 14 դիպուկ հարվածի և 12 արդյունավետ փոխանցման հեղինակ:
