Ֆուտբոլի Աշխարհի 2026 թվականի առաջնության 1/16 եզրափակիչի Պորտուգալիա — Խորվաթիա դիմակայությունն աչքի է ընկնում ոչ միայն լարված պայքարով, այլև պատմական վիճակագրական տվյալներով։
Opta վիճակագրական ռեսուրսի տվյալներով՝ Խորվաթիայի ազգային ընտրանու մեկնարկային կազմի միջին տարիքը Պորտուգալիայի դեմ խաղում կազմում է 30 տարեկան 100 օրեկան։
Սա Աշխարհի առաջնությունների փլեյ-օֆֆ փուլերի պատմության մեջ ամենաբարձր ցուցանիշն է վերջին 28 տարիների ընթացքում: Ուշագրավ է, որ նախորդ բացարձակ ռեկորդը պատկանում է հենց խորվաթներին։ 1998 թվականի Մունդիալի երրորդ տեղի համար խաղում նրանց մեկնարկային կազմի միջին տարիքը կազմում էր 30 տարեկան 126 օրեկան:
Նման բարձր տարիքային ցուցանիշ ապահովելու հարցում առանցքային դերակատարում ունի թիմի ավագ և առաջատար, 40-ամյա կիսապաշտպան Լուկա Մոդրիչը։ Նա խաղադաշտ դուրս եկավ հենց առաջին րոպեներից՝ կրկին ապացուցելով, որ բարձրակարգ ֆուտբոլում տարիքն ընդամենը վիճակագրական տվյալ է:
