«Բարսելոնայի» գլխավոր մարզիչ Հանս-Դիտեր Ֆլիկն ամփոփել է Իսպանիայի Լա Լիգայի 28-րդ տուրում «Սևիլիայի» նկատմամբ տարած գոլառատ հաղթանակը (5:2)։
«Գավիի վերադարձը հիանալի նորություն է։ Եղան դրվագներ, երբ մենք կարող էինք ավելի լավ գործել. գնդակը փոքր-ինչ դանդաղ էինք տեղաշարժում, իսկ խաղի որոշ փուլերում մեզ վստահություն չէր բավականացնում։ Երբ կորցնում էինք գնդակը, կարող էինք ավելի ակտիվ պրեսինգի դիմել։ Առջևում Չեմպիոնների լիգան է, և այնտեղ չափազանց կարևոր է դա ճիշտ անել։
Դանի Օլմոն գերազանց հանդիպում անցկացրեց, ինչպես և Էսպարտն ու Կանսելուն… Բայց միևնույն է, կարծում եմ՝ մենք կարող էինք շատ ավելի լավ խաղալ:
Կանսելուին ժամանակ էր հարկավոր ադապտացվելու համար, սակայն վերջին խաղերում նա պարզապես ֆանտաստիկ է։ Նա անհավանական տեխնիկայով օժտված ֆուտբոլիստ է։ Շատ կարևոր էր նրա խփած գոլը, մասնակցությունը առաջին գոլին, երբ նա 11-մետրանոց վաստակեց, ինչպես նաև նրա գործողությունները արհեստական խաղից դուրս վիճակ ստեղծելիս։ Կանսելուն ճիշտ ընտրություն է»,- գերմանացի մասնագետի խոսքերն է փոխանցում իսպանական մամուլը։
Հիշեցնենք, որ մարտի 18-ին «Բարսելոնան» Չեմպիոնների լիգայի 1/8 եզրափակիչի պատասխան խաղում կհյուրընկալի անգլիական «Նյուքասլին»։ Այս թիմերի միջև կայացած առաջին խաղն ավարտվել է 1։1 հաշվով։
