Մյունխենի «Բավարիայի» պաշտպան Ալֆոնսո Դևիսը վնասվածք է ստացել և անորոշ ժամանակով դուրս մնացել շարքից: Այս մասին իր սոցիալական ցանցերում հայտնում է հայտնի ինսայդեր Ֆաբրիցիո Ռոմանոն։
Երեքշաբթի օրը կանադացի ֆուտբոլիստը մասնակցել է Չեմպիոնների լիգայի 1/8 եզրափակիչի՝ իտալական «Ատալանտայի» դեմ հանդիպմանը (6:1)։ 25-ամյա պաշտպանը փոխարինման է դուրս եկել ընդմիջմանը, սակայն 70-րդ րոպեին իրեն վատ է զգացել և խնդրել է փոխարինել իրեն (հակառակ փոխարինում)։ Նշվում է, որ Դևիսը խաղադաշտը լքել է առանց բուժանձնակազմի օգնության։
Ըստ աղբյուրի՝ մոտ ժամանակներս ֆուտբոլիստը խորացված բուժզննում կանցնի՝ վնասվածքի աստիճանը պարզելու համար։
Հիշեցնենք, որ 2025 թվականի մարտին Դևիսը վիրահատվել էր աջ ծնկի խաչաձև կապանի պատռվածքի պատճառով, որից հետո ապաքինվում էր յոթ ամիս։ Այս տարվա փետրվարին էլ «Այնտրախտի» հետ խաղում նա վնասել էր ազդրի հետին մկանը՝ բաց թողնելով մոտ երկու շաբաթ։
Գերմանիայի Բունդեսլիգայի ընթացիկ մրցաշրջանում Ալֆոնսո Դևիսն անցկացրել է 8 հանդիպում և դարձել մեկ արդյունավետ փոխանցման հեղինակ։
