Արգենտինացի աստղը երկրորդ անգամ այցելել է Հնդկաստան՝ Կալկաթա, որպեսզի Ռոդրիգո Դե Պոլի և Լուիս Սուարեսի հետ շարունակի իր «GOAT Tour» շրջագայությունը։ Այս մասին գրում է Sport.es-ը։
Լիոնել Մեսսին տարին եզրափակեց «Ինտեր Մայամիի» կազմում MLS-ի չեմպիոնությամբ՝ իրականություն դարձնելով մի նվաճում, որն անհավանական էր թվում մինչև իր ժամանումը: Մրցաշրջանի ավարտից հետո Մեսսին մեկնեց ասիական շրջագայության: Կալկաթա ժամանելուն պես, որտեղ նրան դիմավորել է երկրպագուների հոծ բազմությունը, իրավիճակը դուրս է եկել վերահսկողությունից։
in India
80k packed stadium in Kolkata as Messi continues his tour through the country ️
@ddsportschannel pic.twitter.com/40iye4hMtf
— 433 (@433) December 13, 2025
Զանգվածային անկարգություններ մարզադաշտում
Մեսսին ուղևորվել է Սոլթ Լեյք մարզադաշտ՝ գովազդային միջոցառմանը մասնակցելու համար։ Սակայն քաղաքական գործիչների և անվտանգության աշխատակիցների խիտ օղակի պատճառով արգենտինացին կարողացել է միայն կարճ ողջունել հավաքվածներին և մասնակի պատվո շրջան կատարել, ինչից հետո անվտանգության նկատառումներով շտապ հեռացվել է դաշտից։
Սա հանգեցրել է քաոսի. երկրպագուները սկսել են աթոռներ ու շշեր նետել, կոտրել գովազդային վահանակները։
«Այստեղ հավաքված բոլոր մարդիկ սիրում են ֆուտբոլը: Մենք բոլորս ուզում էինք տեսնել Մեսսիին, բայց սա կատարյալ խաբեություն էր: Կազմակերպումը սարսափելի էր: Սա սև օր է Կալկաթայի համար: Նախարարներն այնտեղ էին իրենց երեխաների հետ, իսկ մնացած մարդիկ ոչինչ չէին կարողանում տեսնել… Մենք շատ վիրավորված ենք և պահանջում ենք մեր գումարը», — նշել է զայրացած երկրպագուներից մեկը:
Messi’s brief 5-minute appearance sparked chaos at Salt Lake Stadium, West Bengal as angry fans turned violent, throwing bottles, belts, chairs and vandalising hoardings.#Messi #GOAT #MessiInIndia
pic.twitter.com/PwRzP7BDeD— Sarcasm (@sarcastic_us) December 13, 2025
Ծրագրված շոուն և նախապատմությունը
Մեսսիի այցը չի արդարացրել սպասելիքները, թեպետ ծրագիրը բավականին հագեցած էր. արձանի բացում, Մայամիի նրա տան դեկորացիաներ, խորհրդանշական գահ և ցուցադրական խաղ Հայդարաբադում։
Հիշեցնենք, որ սա Մեսսիի առաջին այցը չէր Հնդկաստան. նա եղել էր երկրում 2011 թվականին Արգենտինայի հավաքականի կազմում՝ Վենեսուելայի դեմ ընկերական խաղի շրջանակում, որտեղ նրան դիմավորել էին մեծ ոգևորությամբ։
