«Լիվերպուլի» հարձակվողական կիսապաշտպան Ֆլորիան Վիրցի հայրը՝ Հանս Վիրցը, գնահատել է որդու ելույթը Անգլիայի Պրեմիեր լիգայում։
«Մենք, ինչպես նաև Ֆլորիանը, լիովին գոհ ենք արդյունքից։ Նա հաջողությամբ ինտեգրվեց թիմին, և նրա խաղընկերները, անկասկած, արդեն գնահատում են նրա մակարդակը։ Ֆլորիանը շատ ոգևորված էր միանալ այն թիմին, որը, բացի իրենից, ձեռք էր բերել ևս մեկ-երկու նոր ֆուտբոլիստ», — Հանս Վիրցի խոսքերն է փոխանցում Bild-ը։
Հիշեցնենք, որ գերմանացի կիսապաշտպանը նախորդ տրանսֆերային պատուհանի ընթացքում լևերկուզենյան «Բայերից» տեղափոխվել էր «Լիվերպուլ»։
Վիրցը «կարմիրների» կազմում մասնակցել է 15 խաղի և կատարել երեք գոլային փոխանցում։
10 տուրերից հետո «Լիվերպուլը» 18 միավորով զբաղեցնում է Անգլիայի Պրեմիեր լիգայի երրորդ տեղը։
