Ուելվայի դատարանը նույն քաղաքի բնակչին և մանկապատանեկան ֆուտբոլի մարզչին, որը 2023 թվականի հունվարի 11-ից գտնվում է կալանքի տակ, դատապարտել է 60 տարի և ինը ամսվա ազատազրկման՝ 21 անչափահասի նկատմամբ մանկապղծություն կատարելու համար։ Հանցագործությունները կատարվել են նրա պաշտոնական դիրքի և տուժողների առանձնահատուկ խոցելիության շահագործմամբ, հաղորդում է Mundo Deportivo-ն։
Աղբյուրի տեղեկությամբ՝ տղամարդը ճանաչվել է մեղավոր օրենսդրության 31 կետ խախտելու մեջ։ Նրան նաև արգելվել է ազատազրկումից հետո հինգ տարի ժամկետով շփվել տուժածների հետ կամ մոտենալ նրանցից ավելի մոտ, քան 200 մետր։
Բացի այդ, նրան արգելվելու է զբաղեցնել որևէ վճարովի կամ անվճար մարզչական կամ հրահանգչական պաշտոն՝ անչափահասների համար նախատեսված սպորտային գործունեության ոլորտում։
