«Լիվերպուլը» հետաքրքրություն է ցուցաբերում «Լայպցիգի» կիսապաշտպան Խավի Սիմոնսի նկատմամբ, որին նրանք տեսնում են որպես «Բայերի» կիսապաշտպան Ֆլորիան Վիրցին այլընտրանք։ Այս մասին հաղորդում է TEAMtalk-ը։
Աղբյուրի փոխանցմամբ՝ մերսիսայդցիները կարող են դժվարությունների հանդիպել Լևերկուզենը ներկայացնող ակումբի խաղացողին ձեռք բերելու հարցում՝ նրա բարձր արժեքի, ինչպես նաև «Բավարիայի» կողմից մրցակցության պատճառով։ Ընդգծվում է, որ «ցուլերը» պատրաստ են բաժանվել Սիմոնսից 60 միլիոն եվրոյի դիմաց։ Կիսապաշտպանն ինքը նույնպես ցանկություն ունի տեղափոխվել «Լիվերպուլ»։
Սիմոնսն այս մրցաշրջանում բոլոր մրցաշարերում անցկացրել է 33 խաղ, խփել 11 գոլ և կատարել 8 գոլային փոխանցում։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2027 թվականի ամառը։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 70 միլիոն եվրո։
