«Բարսելոնայի» նախկին հարձակվողական կիսապաշտպան Իվան Ռակիտիչը խոսել է 17-ամյա Լամին Յամալի մասին։ Ռակիտիչը նշել է՝ համաձայն է թիմի նախկին պաշտպան Ժերար Պիկեի հետ, ով ասել էր, որ Յամալը դժվար թե տեղ գտներ իրենց ժամանակների «Բարսելոնայի» մեկնարկային կազմում։
«Պիկեն ճիշտ է։ Այն ժամանակ մենք ունեինք պատմության լավագույն եռյակը՝ Նեյմարը, Սուարեսը և Մեսսին։ Բայց Լամինը անհավանական է. ես նրան կխաղացնեի որպես վինգեր, պաշտպանողական կիսապաշտպան, ցանկացած տեղում։ Ինձ դուր է գալիս նրա քաջությունը, նրա վերաբերմունքը։ Նա պարզապես պետք է շարունակի վայելել ֆուտբոլը», — Ռակիտիչի խոսքերն է մեջբերում Marca-ն։
Այս մրցաշրջանում Լամին Յամալը բոլոր մրցաշարերում մասնակցել է 48 խաղի, որոնցում խփել է 14 գոլ և կատարել 24 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2027 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 180 միլիոն եվրո։
