Գերմանիայի հավաքականի գլխավոր մարզիչ Յուլիան Նագելսմանը մեկնաբանել է Ազգերի լիգայի 1/4 եզրափակչի առաջին հանդիպմանը Իտալիայի ընտրանու նկատմամբ տարած հաղթանակը (2-1).
«Ես ուրախ եմ, որ մենք վերադարձանք 0-1 հաշվի ժամանակ, մենք ցանկանում էինք հաղթել երկու հանդիպումներն էլ: Առաջին խաղակեսը դժվար էր. մենք հազիվ մտանք ռիթմի մեջ: Բայց ընդմիջմանը մի փոքր հարմարվեցինք, ու փոխարինման դուրս եկած ֆուտբոլիստները հաջող հանդես եկան։
Լեոն Գորեցկան հանդես եկավ բարձր մակարդակով և, իմ կարծիքով, այսօրվա հանդիպման լավագույն ֆուտբոլիստն էր։
Թիմն արեց այն, ինչ կարող էր անել հաղթելու համար»,- Նագելսմանի խոսքերն է մեջբերում ՈՒԵՖԱ-ի մամուլի ծառայությունը։
