Մադրիդի «Ռեալի» և Իսպանիայի հավաքականի 22-ամյա կենտրոնական պաշտպան Ռաուլ Ասենսիոն գրավել է անգլիական «Լիվերպուլի» և իտալական «Միլանի» ուշադրությունը։ Այս մասին հայտնում է լրագրող Էդու Ագիրեն El Chiringuito հրատարակությունից։
Աղբյուրի համաձայն՝ իսպանացի ֆուտբոլիստով հետաքրքրված երկու ակումբներն էլ հույս ունեն, որ Ասենսիոն չի երկարաձգի պայմանագիրը մադրիդյան գրանդի հետ և պատրաստ կլինի լսել նրանց առաջարկները։
Այս մրցաշրջանում պաշտպանը բոլոր մրցաշարերում անցկացրել է 40 հանդիպում և կատարել երկու գոլային փոխանցում։ Ֆուտբոլիստի գործող պայմանագիրը «Ռեալի» հետ նախատեսված է մինչև 2026 թվականի հունիսի վերջը։ Transfermarkt ինտերնետային պորտալը ֆուտբոլիստի շուկայական արժեքը գնահատում է 7,5 միլիոն եվրո:
