«Բարսելոնայի» և «Մանչեսթեր Յունայթեդի» նախկին հարձակվող Մեմֆիս Դեպայը պայմանական ազատազրկման է դատապարտվել Մոնակոյում հարբած վիճակում մեքենա վարելու համար, հայտնում է RMC Sport-ը։
Բրազիլական «Կորինտիանսի» ֆուտբոլիստը չորս ամսվա պայմանական ազատազրկման է դատապարտվել այն բանից հետո, երբ անցյալ տարվա օգոստոսին նա ձերբակալվել էր տեղի ոստիկանության կողմից՝ Rolls-Royce-ը հարբած վիճակում վտանգավոր վարելու համար:
Այսօր Մոնակոյի դատարանը Դեպային դատապարտել է չորս ամսվա պայմանական ազատազրկման, տուգանել է 9000 եվրոյով և երկու տարով արգելել է մեքենա վարել Մոնակոյում:
30-ամյա Դեպայը բացակայում էր դատական նիստից, որտեղ բացակայում էր նաև նրա պաշտպանը։ «Լիոնի» նախկին խաղացողը, ով ընդունել է իր մեղքը և ներողություն խնդրել ձերբակալության ժամանակ, այժմ երկու շաբաթ ժամանակ ունի բողոքարկում ներկայացնելու համար։
