«Մանչեսթեր Յունայթեդի» գլխավոր մարզիչ Ռուբեն Ամորիմը խոսել է Անգլիայի գավաթի 1/32 եզրափակչի՝ Լոնդոնի «Արսենալի» դեմ խաղում իր թիմի տարած հաղթանակի մասին։
«Բարեբախտաբար, խաղացողները տեղում էին: Նրանք պայքարում են, և այն, ինչի մասին մենք խոսում ենք հանդիպումներից առաջ, ոչ թե տեխնիկական կամ տակտիկական խնդիրներ են, այլ հենց դա։ Մենք պետք է պայքարենք՝ ինչ իրավիճակ էլ լինի, և մենք այսօր պայքարեցինք։ Կարծում եմ՝ նրանք ավելի շատ հնարավորություններ ունեին, բայց ըստ իս, մենք արժանի էինք հաղթանակի: Միգուցե «Արսենալը» արժանի չէր պարտության, բայց մենք արժանի էինք հաղթանակի մեր խաղաոճի և պայքարի շնորհիվ: Սկզբում շատ դժվար էր առանց գնդակի, բայց առանց գնդակի կարելի է վերահսկել խաղը։
Մենք այնպիսի զգացում ունեինք, որ վերջում ամեն ինչ լավ է լինելու. ես դա զգացի երկրորդ խաղակեսի հենց սկզբից: Նույնիսկ 11-մետրանոցից հետո ես դա զգացի և կարծում եմ, որ «Արսենալի» թիմը գուցե զգաց, որ այսօր իրենց օրը չի լինելու: Բայց ես շատ գոհ եմ նրանից, թե ինչպես էինք մենք վերահսկում խաղը առանց գնդակի, և շատ ուժեղ էինք անցումներում»,- Ամորիմի խոսքերն է մեջբերում ակումբի մամուլի ծառայությունը:
