«Մանչեսթեր Սիթիի» գլխավոր մարզիչ Խոսեպ Գվարդիոլան հայտնել է այս մրցաշրջանում առաջացած ճգնաժամը հաղթահարելու իր ցանկության մասին։
«Նման իրավիճակներից դուրս գալու համար բավարար ժամանակ է հարկավոր, սակայն ես չեմ հանձնվի։ Ես ուզում եմ այստեղ մնալ և ամեն ինչ ուղղել՝ անկախ իրավիճակից։ Ես կնախընտրեի չհայտնվել այս իրավիճակում, բայց հիմա ունենք այն, ինչ ունենք։
Ես փորձում եմ հանգիստ մնալ՝ հասկանալու համար, թե որն է խնդիրը և ինչ կարող ենք անել, որպեսզի ավելի լավ խաղանք հաջորդ խաղում», — մեջբերում է Գվարդիոլայի խոսքերը CityXtra-ն։
«Մանչեսթեր Սիթին» հաղթել է ընդամենը մեկ անգամ վերջին 13 խաղերում։ Սա «քաղաքաբնակների» ամենավատ ցուցանիշն է այն պահից, երբ ակումբը 2008 թվականին ձեռք բերեց ԱՄԷ-ի ներդրումային խումբը։
