«Բարսելոնայի» ղեկավարությունը դեռևս չի կարողանում համաձայնության հասնել դարպասապահ Մարկ Անդրե Տեր Շտեգենի հետ պայմանագրի երկարաձգման շուրջ, հաղորդում է sport.es-ը:
Տեր Շտեգենը վերջին շրջանում իր խաղով ապացուցել է, որ լավագույններից մեկն է աշխարհում, ու պատահական չէ, որ նրա հետ պայմանագրի երկարաձգումը առաջնահերթություն է կատալոնական ակումբի համար։
Սակայն գերմանացի դարպասապահը ցանկանում է, որ իր ներկայիս պայմանագիրը կրկնապատկվի։ Ստեղծված իրավիճակում սա կարող է խնդիր դառնալ «Բարսելոնայի» համար։
Ավելի վաղ տեղեկություն կար, որ «Բավարիան» հետաքրքրված է Տեր Շտեգենի ծառայություններով։