Արգենտինայի հավաքականի հարձակվող և ավագ Լիոնել Մեսսին խոսել է ԱԱ-2026-ի հարավամերիկյան ընտրական մրցաշարի 9-րդ տուրի՝ Վենեսուելայի հավաքականի հետ հանդիպման մասին (1:1)։
«Զզվելի հանդիպում էր. նույնիսկ երկու անընդմեջ ճիշտ փոխանցում չկարողացանք կատարել, դաշտում ջրի պատճառով գնդակը անընդհատ կանգ էր առնում։ Դժվար է խաղալ նման պայմաններում, խաղադաշտը խանգարեց մեզ», — Մեսիի խոսքերն է մեջբերում Reuters-ը:
Նշենք, որ Արգենտինա-Վենեսուելա հանդիպումը խաղադաշտի վիճակի պատճառով հետաձգվել է կես ժամով։
Արգենտինան 9 տուրից ունի 19 միավոր և գլխավորում է ԿՈՆՄԵԲՈԼ-ի աշխարհի առաջնության որակավորման աղյուսակը։ Վենեսուելան վաստակել է 11 միավոր և այժմ 6-րդն է։
