Հայտնի է Ա Սերիայի ամսվա լավագույն ֆուտբոլիստը

«Նապոլիի» կիսապաշտպան Խվիչա Կվարացխելիան ճանաչվել է Իտալիայի առաջնության սեպտեմբերի լավագույն ֆուտբոլիստ։

Այս մասին հայտնում է Ա Սերիայի մամուլի ծառայությունը։ Անցած ամիս Կվարացխելիան երեք հանդիպում է անցկացրել Իտալիայի առաջնությունում։ Դրանցում վրացի ֆուտբոլիստը խփել է երկու գոլ և մեկ արդյունավետ փոխանցում կատարել։

Հիշեցնենք, որ Ա Սերիայի սեպտեմբեր ամսվա լավագույն մարզիչ է ճանաչվել «Նապոլիի» մարզիչ Անտոնիո Կոնտեն։

7 տուրից հետո «Նապոլին» զբաղեցնում է մրցաշարային աղյուսակի առաջին հորիզոնականը։